သက်ဟိထုဆစ်လက်ရာ

ထီးနန့်းစဉ်လာ ကျုံးမြီရာနန့်
ထုဆစ်လက်ရာ ကမ္ဗည်းမှနောက်
အတ္တ၀ါဒီများ ဖိနှိုပ်မှုအောက်မှာ
အံကြိုက်ခံပနာ နိန်ထိုင်ရသော
ငါရို့တိ၏ နိန့် နန့် ည သည်
အဘာအမင် မဟိသော
မှီခိုစရာ ရှာမရသော
အားကိုးရာ ကင်းမဲ့စွာသော
မျက်မှောက်မြင်ရ ငါရို့ဘ၀သည်
ပိုင်သျှင်မဟိသော ပစ္စည်းတစ်ခုပိုင်
ဖြစ်နိန်ပါဗျာယ်။

တံတိုင်းတိကို ဖြိုပနာဖျက်
ကျုံးမြီကိုရာ တူးဖေါ်ဖောက်ထွင်း
သမိုင်းစဉ်လာ မှတ်တမ်းလွှာတိ
ပျောက်ကွယ်လုနီး ဖြစ်နိန်လီယင့်။
အော်…..
မသမာမိစ္ဆာ လူယုတ်တိအောက်
အလူးအလိမ်း ခံရခက်နိန်သော
ဘ၀မျိုးဆက် အဖူးအညွန့်ရို့သည်
အမှန်တရားကို လက်ထောက်ပြဗျာယ်
ကာကွယ်ဖို့ ကြိုးစားကေလည်း
လက်ဝါးလှန်ဖို့ မရလောက်အောင်
ဖိနှိုပ်ထားလို့ ငြိမ်ခံနိန်ရရေ။

မိတဆိုး ဖသားချောင်ပိုင်
အဘာအမင် အမှန်မှန်းကို
သိလျက်သားနန့် ခေါ်ခွင့်မရေ
ငါရို့ဘ၀. ………. ။

ခေါ်လို့ပြဖို့ အင်အားစိုက်ကေလည်း
ရင်တွင်းထဲမှာ ပိတ်ဆို့နိန်ရေ
သောကတိကြောင့် အသံမထွက်တထွက်နန့်
အံကြိုက်ခံယင်း
ထုဆစ်လက်ရာ အနုသုခုမ
ဂီတစာပီ သမိုင်းအမွီတိစွာ
သည်းမခံနိုင် ဒေါသပေါက်ကွဲမိလို့
အော်လိုက်မိစွာက ငါရို့လည်းအသက်နန့်ရာလတ်.။

ရက္ခ၀ံသ