ဗျာပါဒ

သက္ကရာဇ်တိ ပြိုကွဲ
ငိုပွဲတိ အခါခါ ဆင့်
အဆိပ်သင့်လီစော်လား
အို..အဖ..................။

မနိုးထဗျလ်လား
မနှိုးခဗျယ်လား......

ရောင်နီဦး နိန့်သစ်တခေါက်
ပြန်မရောက်ပျယ်လား

သမိုင်းအကြွီ အပိုင်းအစကို ကောက်ဖို့
အဖ သွီးတိ အလင်းမမြင်ရဗျယ်လား

အဖ ရင်
ကြမ္မာငင်လို့
တစ ပြင် ဖြစ်နီဗျယ်ဂါး
အို...............အဖ..။

နသွီး မမာ
အတောင်မပေါက်
ပျံမရောက်နိုင်ရေ
သားချေရို့ အတွက်
ရင်နာစော် ပိဖန်များလို့
ငိုဖို့ပင် အားမဟိဗျယ် အဖ........၊

ရင်ဖတ်ကို တအားဖျစ်ပနာ
အာခေါင်ခြစ်လို့ အော်ပလိုက်ချင်ရေ
မျက်ရည်လေ့ မကျလာ
ရင်နာစော်ရာ ကြီးလီယင့်.........။

အိုး...........အဖ
အဆိပ်သင့် အဖရင်ကို
သားချေရို့
မမြင်ဝံ့ဗျယ် အဘာ.............။
------------
လင်းဇံ